Ils 12 da schaner havein nus saviu guder nossa sera da trofeas. Bunamein tut ils catschadurs activs cun dunnas ed amitgas han dau suatientscha agl invit. La tscheina ha nies commember Giusep Venzin da Mutschnengia preperau cun siu team. Pil program dalla sera ein Rinaldo Giger, Felix Venzin e Gion Albin stai responsabels. Cun bia humor han els delectau ils presents cun lur skechs e las novitads da catscha.

Nies actuar e vicepresident Vital Lutz ei daventaus veteran cantunal.

Sin la preit da trofeas han nos commembers presentau lur racolta dalla catscha aulta 2012. Ina preit cun plitost paucas tschiarvas. Malgrad las grodas dumbraziuns da selvaschinas dalla primavera 2012 han ins buca pudiu tier las tschiarvas il settember. Dils bucs camutsch han 3 retschiert la medaglia d’argien e 3 quella da bronce. Cauras camutsch mo ina che ha survegniu argien.

Nossa sera da trofeas ei reussida cumpleinamein. In grond engraziament a tuts che ein segidai persuenter.

Per la secziun Vallatscha

Ursin Venzin, president