La sera familiara dalla secziun da catschadurs Vallatscha ha giu liug la sonda, ils 22 da schaner 2011 a Curaglia en casa da scola.

Igl ustier Beno Pally cun siu team da cuschina ha delectau nus cun ina famusa tscheina.

Sigisbert Venzin ei vegnius honoraus sco commember liber e Christian Bearth per 20 onns commembradi.

Il "duo Betschart" ha accumpignau nus musicalmein atras l'entira sera entochen tard viaden ella damaun.

Ils organisaturs dalla sera Werner, Damian, Ivan e Pauli han preprau il program dalla sera cun sketschs e novitads. Ad els sco era a tut tgi ch’ei segidau per il beingartegiar dalla sera in cordial engraziament.

42 trofeas ein vegnidas punctadas e premiadas. Inagada dapli han ils catschadurs purtau lur trofeas e la preit ei veramein stada bellezia d'admirar.