La sonda, ils 30 da fenadur ei in triepet catschadurs dalla secziun cun famiglias sebez suentermiezdivi sin viadi encunter la camona da Medel. El turnus da dus onns eisi vegniu organisau per la quarta ga in viadi da stad sin ina camona. 13 dels, gronds ni pigns ed il tgaun da catscha Samoa han passentau ina flotta sera en buna cumpignia sin quella biala camona ch'ei vegnida sanada avon entgins onns. Demai che s. Pieder ha schau temps cun la bial’aura la dumengia endamaun, essen lu puspei serendi encunter Alpsu. Da leu havein priu il trutg encunter Crap Stagias, nua ch’ils buns han aunc barsau ina servla. Da Crap Stagias ein las vias lu sespartidas e tuts han priu la via cuorta encunter casa.


Engraziel fetg per la buna cumpignia!


Ursin Venzin, actuar