29 avel cumin da veterans a Panaduz, dumengia ils 12. d’uost 2012

La dumengia dils 12 d’uost ein ual 130 catschadurs dil Cantun Grischun s’entupai a Panaduz tier la secziun Hubertus per tener giu cumin. La secziun Hubertus organisescha el turnus da 2 onns mintgamai in tir cun la buis da catscha per ils seniors. Uonn han las marveglias cudizau mei dad era serender a Panaduz cun nos catschadurs che han astgau prender part. Las premissas per la partizipaziun ein semplas : Tgi che vul sittar quei tir sto esser veteran Cantunal e gliez vegnan ins sil pli baul cun la vegliadetgna da sissonta onns.

Daco vegn quella occurenza numnada cumin da veterans ? Gia dall’entschatta eneu ha quella occurenza negin reglement che descriva las reglas dil di. Perquei tegn il mistral la damaun cumin, per definar ensemen culs partiziponts las reglas da giug. Secapescha che quei vegn fatg ozildi mo pli pro fuorma, denton igl usit ei restaus. E sco ei duei esser ei in Medelin mistral. Toni Bearth-Hüssler ch’ei secasaus avon bia dis ed onns a Panaduz ha la honur d’esser en quei uffeci che cuoza per veta duronta.

Reglas da giug :

Ei dat in sté principal sin la muntaniala che vegn sittaus sin la distanza da 50m. Mintga tiradur sieta 5 siets en venter tschentau si ni sesend tschentau si e quei senza emprova. Il maximum da puncs ein pia 25. Ils siets che sesanflan propi a miez la schiba en la grondezia d’in da 5 francs vegnan numnai muschas. Suplementar vegn ei aunc repartiu puncts da bonus per la vegliadetgna dil tiradur.

Il secund sté ei plitost in sté da plausch. Leu vegn sittau 3 siets sil capricorn sin ina distanza da 150m.

Da Medel han uonn 6 catschadurs priu part e mussau lur talent da sittar.

Ils resultads sin la gliesta da rangaziun ein lu semussai sco suonda:

 

 

Per la secziun da catschadurs Vallatscha

Ursin Venzin, president

Sté muntaniala

 

         

num

annada 

   rang 

puncts   muschas

puncts total

cun bonus 

Toni Lutz, Curaglia        1937 17 25 4 28
Augustin Giger, Pardé          1937 20 25 3 28
Luis Giger, Paré 1936 26 25 2 28
Clau Venzin, Fuorns 1948 98 25 2 25
Toni Bearth, Ponaduz 1932 105 20 4 24
Sigisbert Venzin, Sagogn         1941 112 20 4 22

 

 

Cordiala gratulaziun als capotiradurs !