Tir intern e radunonza atunila dalla secziun Vallatscha

Dumengia ils 19 d’uost havein nus menau atras nies tir intern a Mireia. Sper il spért da concurenza duei quei tir esser ina buna preperativa per la catscha vegnenta. In grond cumpliment less jeu admetter a tuts partiziponts per la buna disziplina en vesta alla segirtad. Da miezdi han l’ustiera Carla ed il cuschinier Beno surviu in prima gentar. Uonn han 27 catschadur(A)s sittau igl entir program.

Gudignau la concurrenza ha René Bundi cul maximum da 90 puncts. Sin rang 2 ei Werner Giger da Pardé cun 88 puncts e sin rang 3 sesanfla Carla Giger medemamein cun 88 puncts.

La sera havein nus teniu l’usitada radunonza atunila a Mireia.

22 presents ein stai dalla partida. La tractanda principala da quella sera ein las orientaziuns sur dallas midadas en las prescripciuns dalla catscha vegnenta. Quellas porta nies guardiaselvaschinas Daniel Bundi mintgamai ad ina moda sempla e fetg cumpatenta. Resumau san ins dir che la filosofia digl uffeci da catscha e pesca ei vinavon la medema : Numnadamein schurmiar ils camutschs per mantener las populaziuns e promover il squetsch sin las tschiarvas per buca schar crescher il diember dalla populaziun.

Plinavon havein nus decidiu d’exequir l’auter onn in seminari da sittar. Alla 99avla radunonza da delegai cantunala dils 25 da matg 2013 a Scuol vegn la suprastonza a prender part.

Il gentar da catscha communabla ha liug uonn ils 23 da settember a Duscharei tier Luis, Rinaldo e Carla Giger e la sera da trofea 2013 vegn menada atras en rama usitada la sonda, ils 12 da schaner 2013.

 

 

Per la secziun da catschadurs Vallatscha

Ursin Venzin, president